Մենք աշխատում ենք ամեն օր, բայց ցավոք, ոչինչ չի ստացվում, «Կուբանից» կրած պարտությունից հետո ասել է Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը:

«Մենք չխփեցինք, «Կուբանը» խփեց: Ահա եւ ամբողջ տարբերությունը: Մենք շատ պահեր ունեինք, բայց դրանք չիրացրեցինք: Չես խփում դու, քեզ են խփում: Մենք իսկապես ծանր ժամանակներ ենք ապրում: Թիմը փորձում է վերականգնվել ահավոր շարքից հետո, աշխատում ենք ամեն օր, բայց ցավոք ոչինչ չի ստացվում»,- Յուրա Մովսիսյանի խոսքը մեջբերում է Championat-ը:

Հիշեցնենք, որ Ռուսաստանի առաջնության 27-րդ տուրի վերջին խաղում «Սպարտակը» Մոսկվայում 0:2 հաշվով պարտվեց «Կուբանին» եւ զրկվեց մեդալների համար պայքարելու հնարավորությունից:

NE