22:30 «Պարտադիր չէ, որ հեղափոխությամբ իշխանափոխություն լինի». Զուրաբյան | |
 ՀՀ ՀԱԿ խմբակցության ղեկավար Լևոն Զուրաբյանը կանխատեսում է, որ հնարավոր է՝ առաջիկայում այնպիսի գործընթացներ լինեն, որոնց շնորհիվ իշխանությունները կորցնեն իրենց լծակները:Ըստ պատգամավորի պարտադիր չէ, որ հեղափոխությամբ իշխանափոխություն լինի: «Մարդիկ են, հրաժարականներ են տալիս, թավշյա քաղաքական գործընթացներ են գնում, չե՞ք տեսել նման բաներ տարբեր երկրներում»,- ասաց նա: Դիտարկմանը, թե ընդդիմությունը հույս ունի, որ իշխանությունից որևէ մեկն այսօր պատրա՞ստ է հրաժարական տալ, Լևոն Զուրաբյանը նշեց.«Իսկ նրանցից շատ ավելի բռի կոպալ մարդիկ հրաժարականներ չեն տվե՞լ աշխարհում»: Լևոն Զուրաբյանը նշեց, որ իրենք լուրջ գործընթաց են սկսել, որով որպես առաջին քայլ՝ կառավարությանն ավնստահություն հայտնելու գործընթաց է գնում. «Դուք գիտե՞ք, որ մարտի մեկին մենք հավաքեցինք բազմամարդ հանրահավաք, և դուք ի՞նչ է, կարծում եք, որ դա ընդամենը մի հանրահավա՞ք է: Պրոցես է գնում, երկրում մեծ դժգոհություն կա, և չեմ կարծում, որ ժողովուրդը պատարստ է հաշտվել այն իրավիճակի հետ, որ ստեղծվել է երկրում»: Անդրադառնալով մեծամասնության կողմից Մարտի 1-ի հարցով ԱԺ ժամանակավոր հանձնաժողով ստեղծելու նախաձեռնությունը տապալելուն՝ Զուրաբյանը չբացառեց,որ սա իշխանությունների համար վերջին շանսը լինի ինչ-որ բան անելու, որովհետև այսուհետ կարող են այնպիսի իրադարձություններ լինել երկրում, որ այլևս նրանց օգնությունը Մարտի մեկի սպանությունների բացահայտման հարցում ալևս պետք չլինի»: | |
|
| |
| Всего комментариев: 0 | |
