Սրանից մեկ օր հետո` մարտի 12-ին, Ուկրաինայի վարչապետի պաշտոնակատար Արսենի Յացենյուկին Վաշինգտոնում` Սպիտակ տանը կընդունի ԱՄՆ նախագահ Բարաք Օբաման: Այս մասին տեղեկացնում է unian.net-ը հղում անելով lb.ua (Левый берег) լրատվական կայքին: 

Աղբյուրի հաղորդմամբ` Օբամա- Յացենյուկ հանդիպմանը շեշտը դրվելու է Ուկրաինայի ժողովրդին ԱՄՆ ամուր աջակցության վրա: Իր հերթին Ուկրաինայի վարչապետի պաշտոնակատարը ԱՄՆ նախագահի հետ հանդիպմանը առաջ է քաշելու Ուկրաինայի ինքնիշխանության և տարածքային ամբողջականության պահպանման խնդիրը և, թե ինչպես գտնել խաղաղ լուծում Ղրիմում ռուսական ռազմական միջամտության առկայությամբ: Հանդիպմանը չեն անտեսվելու նաև երկրի տնտեսական դժվարությունները և դրանք մեղմացնելու նպատակով միջազգային աջակցության անհրաժեշտության հետ կապված հարցերը:

Հիշեցնենք, որ մարտի 16-ին Ղրիմի ինքնավարության կարգավիճակի հարցով համաղրիմյան հանրաքվե կանցկացվի :